საქართველოს საელჩოსა და იონგსანის კულტურის ფონდს შორის ურთიერთგაგების მემორანდუმი გაფორმდა
24 აგვისტოს, საქართველოს საელჩოში გაიმართა ურთიერთგაგების მემორანდუმის (MOU) ხელმოწერის ოფიციალური ცერემონია საქართველოს საელჩოსა და იონგსანის კულტურის ფონდს შორის.
დოკუმენტს ხელი მოაწერეს საქართველოს საქმეთა დროებითმა რწმუნებულმა, მიხეილ თიგიშვილმა და იონგსანის კულტურის ფონდის თავმჯდომარემ, ლიმ ჰიუნგ-ჯუმ.
მემორანდუმი მიზნად ისახავს საქართველოსა და კორეის რესპუბლიკას შორის კულტურის სფეროში თანამშრომლობის გაღრმავებას, მათ შორის ერთობლივი პროექტების განხორციელებას, რომლის ფარგლებშიც 2027 წელს ქ.სეულში გაიმართება პირველი მასშტაბური ქართული კულტურული ღონისძიებები.