შეხვედრა კორეის ვაჭრობისა და ინვესტიციების ხელშეწყობის სააგენტოს (KOTRA) წარმომადგენელთან
12 თებერვალს, კორეის რესპუბლიკაში საქართველოს საქმეთა დროებითმა რწმუნებულმა მიხეილ თიგიშვილმა გამართა შეხვედრა კორეის ვაჭრობისა და ინვესტიციების ხელშეწყობის სააგენტოს (KOTRA) გლობალური სამხრეთის გუნდის დირექტორთან, ლი დო ჰიუნგთან.
შეხვედრის ფარგლებში განხილულ იქნა საქართველოსა და კორეის რესპუბლიკას შორის ეკონომიკური და საინვესტიციო თანამშრომლობის გაღრმავების შესაძლებლობები, მათ შორის კონკრეტული პროექტებისა და ბიზნეს-კავშირების განვითარების პერსპექტივები.