შეხვედრა კორეის იმპორტიორთა ასოციაციის (KOIMA) თავმჯდომარესთან

2026 წლის 10 მარტს, კორეის რესპუბლიკაში საქართველოს საქმეთა დროებითმა რწმუნებულმა მიხეილ თიგიშვილმა გამართა შეხვედრა კორეის იმპორტიორთა ასოციაციის (KOIMA) თავმჯდომარესთან, იუნ იან-მისთან და მის მოადგილესთან, კი ჩანგ კვონთან.

შეხვედრაზე მხარეებმა განიხილეს საქართველოსა და კორეის რესპუბლიკას შორის სავაჭრო-ეკონომიკური თანამშრომლობის გაღრმავების პერსპექტივები. განსაკუთრებული ყურადღება დაეთმო ქართული აგროპროდუქციის, ღვინის, მინერალური წყლებისა და ხორცის ექსპორტის შესაძლებლობებს. საუბარი ასევე შეეხო ასოციაციის ორგანიზებით სეულში გამართულ ყოველწლიურ გამოფენა "Korea Import Fair"-ში ქართული კომპანიების მონაწილეობის ხელშეწყობას.

მხარეები შეთანხმდნენ, რომ გააგრძელებენ მუშაობას ორმხრივი ურთიერთობების შემდგომი გაღრმავების მიმართულებით.