საიტზე მიმდინარეობს ტექნიკური სამუშაოები

ღვინის ეროვნული სააგენტოსა და საქართველოს საელჩოს მხარდაჭერით, კორეის რესპუბლიკის ქალაქ დეჯონში საერთაშორის ფესტივალზე "Daejeon International Wine Festival" ქართული ღვინის 24 მწარმოებლის ღვინო იქნა წარმოდგენილი

ღვინის ეროვნული სააგენტოსა და საქართველოს საელჩოს კორეის რესპუბლიკაში მხარდაჭერით, კორეის რესპუბლიკის ქალაქ დეჯონში საერთაშორის ფესტივალზე "Daejeon International Wine Festival" ქართული ღვინის 24 მწარმოებლის, როგორც დიდი კომპანიების, ასევე მცირე მარნების ღვინო იყო წარმოდგენილი.

ღვინის ფესტივალის "Daejeon International Wine Festival" საზეიმო გახნის ცერემონია 26 აგვისტოს კორეის რესპუბლიკაში, ქალაქ დეჯონში უმსხვილეს საგამოფენო ცენტრში"Daejeon Convention Center" გაიმართა და მასში მონაწილეობა მიიღო ღვინის ეროვნული სააგენტოს თავმჯდომარის მრჩეველმა, მარიამ მეტრეველმა.

 ღვინის საერთაშორისო გამოფენის ფარგლებში ქართველი ღვინის ექსპერტმა, მეღვინე ლადო უზუნაშვილმა და ჰოლანდიელმა ღვინის მწერალმა საიმონ ვულფმა ქართული ღვინის მასტერკლასი ჩაატარეს.

ქართული ღვინის სტენდი "Daejeon International Wine Festival"-ზე პირველად იყო წარმოდგენილი. აღსანიშნავია, რომ კორეის რესპუბლიკაში ქართულ ღვინის მიმართ ინტერესი ყოველწლიურად იზრდება, რასაც ადასტურებს ადგილობრივი ღვინის ექსპერების, ბაიერებისა და ვიზიტორების სიმრავლე ქართული ღვინის სტენდთან.